目的地介紹

[泰國曼谷] 下午茶推介 - 文華東方餅店 The Mandarin Oriental Shop

文華東方餅店 The Mandarin Oriental Shop - Tea Set

上星期介紹嘅 Coffee Shop,唔知大家有無興趣呢?等我今個星期介紹多一個選擇俾大家~我諗大家睇標題都知我想介紹文華東方餅店 The Mandarin Oriental Shop ,不過我就唔係介紹大家去酒店裡面嗰間,而係介紹大家去 Siam Paragon 嗰間,話晒夠方便嘛~即刻睇睇今日介紹啲咩~

如果我話「文華東方」四個字係質素嘅保證,相信都唔會有啲咩異議。佢哋無論係住宿定餐飲等等,每個範疇都做得好好,自然先能夠將旗下餅店帶入商場。喺曼谷,除咗酒店入面嘅餅店之外,另外仲有四間商場分店㗎!搞笑啲咁講,我諗佢哋總有一間喺你酒店附近~今次我都去返最近酒店嘅 Siam Paragon 分店,試吓佢哋嘅下午茶~

雖然只係餅店,但佢哋嘅餐牌都好詳盡~鹹甜批、糕點、沙律、三文治等都有~茶以及咖啡都有好多款式揀!整體價錢亦都唔算貴,比起泰國普遍物價當然無咁超值,但對比起喺香港食下午茶就抵得多~喺餅店網站有完整餐牌可以睇睇,大家不妨撳呢度睇睇佢哋嘅餐牌~

文華東方餅店 The Mandarin Oriental Shop
文華東方餅店 The Mandarin Oriental Shop

喺Siam Paragon呢度嘅環境同酒店裡面嗰間大為不同,雖然大家都係古典風格,但商場呢間就用上暗色調,氣氛相當唔錯。即使周圍人流不絕,亦都依然幾輕鬆自在。如果大家無多餘時間過去河邊嘅話,嚟分店食下午茶相信都好足夠~唔坐低食都可以買走,因為佢哋仲有賣雪糕,甚至連茶葉都有,可以做手信送俾人~

下午茶嘅 Tea Set 850泰銖一位,不過我覺得一份已經夠兩個人食,如果唔係食完真係會好飽!Tea Set 包咗佢哋好出名嘅 Macaron ,但就無得自己揀味道,想試多幾款味就要另外叫啦~沙律亦都好有水準,而且份量頗大,絕對係物有所值~

廚師沙律 Chef Salad
廚師沙律 Chef Salad

我對今次嘅下午茶相當滿意,下次一定要再試吓佢哋其他餅食!佢哋嘅餅店一啲都無名過於實,事實上的確做得幾出色!

如果你有任何關於旅遊嘅問題,例如係揀酒店、行程規劃等等,都歡迎您Inbox我哋或者留言問,我會盡全力解答你有嘅疑難~

The Mandarin Oriental Shop 網站:www.mandarinoriental.com.hk/

Siam Paragon 分店營業時間:每日 10:00 至 21:00

Siam Paragon 分店地址:
G/F, Siam Paragon, 991 Rama I Rd, Khwaeng Pathum Wan, Khet Pathum Wan, Bangkok 10330, Thailand

交通:
乘搭BTS 素坤逸線 (Sukhumvit Line) 或 是隆線 (Silom Line) 前往 Siam 站 (CEN),出站後可直達暹羅百麗宮 (Siam Paragon)。

0 個留言於 “[泰國曼谷] 下午茶推介 - 文華東方餅店 The Mandarin Oriental Shop

發表回覆

你的電郵地址並不會被公開。 必要欄位標記為 *