早前暫停所有英國航班服務嘅國泰航空，將會由1月12日起恢復飛往倫敦希斯路嘅載客航班服務，而包括由倫敦返港在內嘅其他英國航班就會繼續暫停至1月24日。
香港政府早前引用預防及控制疾病規例禁止過去21日內逗留於英國嘅人士入境香港，令往來香港及英國嘅航班服務幾乎完全停頓，三間提供直航服務嘅航空公司都相繼取消往來兩地嘅航班。
由1月12日起，國泰會恢復以下日子由從香港出發前往倫敦希斯路機場嘅航班：
| CX251 香港 ✈ 倫敦希斯路 | 香港出發：23:55 | 抵達倫敦：05:00（翌日） |
|---|---|---|
| 1月12日（星期二） | 1月14日（星期四） | 1月15日（星期五） |
| 1月17日（星期日） | 1月18日（星期一） | 1月21日（星期四） |
| 1月24日（星期日） |
除咗國泰，英國航空亦都已經恢復出售由香港飛往倫敦嘅機位，而班次更加係頻密至每日一班。至於維珍航空，喺一月份亦都有零星嘅航班服務。需要飛往英國嘅話，其實都仲有唔少選項，唔需要擔心。如果大家唔介意轉機，卡塔爾、土耳其、阿聯酋、新加坡等熱門轉機地都仍然有提供服務～
來源：國泰官網
0 個留言於 “國泰1月12日起復航倫敦希斯路 回程航班繼續暫停載客”