馬爾代夫喺武漢肺炎（新型冠狀病毒 COVID-19）疫情下實施鎖國措施，現時宣佈最快將由7月1日起恢復接待國際旅客。
馬爾代夫旅遊部長瓦希德日前接受英國每日電訊報訪問時表示，只有合資格旅客可獲准入境旅遊，當中要求包括：
- 停留馬爾代夫至少十四日
- 預先申請旅遊簽證（收費 100 美元）
- 已購買涵蓋整個行程的旅遊保險
- 入境前一星期提交病毒檢測結果（抗原測試呈陰性 或 抗體檢測呈陽性）
- 到埗後自費進行病毒檢測（收費 100 美元）
- 等候檢測結果期間需留在酒店房間內隔離（需時約3至12小時）
現時馬爾代夫對多國實施旅遊禁令，禁止過去十四日內曾到訪指定國家或地區人士入境馬爾代夫，例如中國、馬來西亞、美國及英國等等。相信於馬爾代夫解封後，香港及台灣等不在限制之列嘅，能夠循上述途徑入境馬爾代夫旅遊。
當地大約二十多間度假村現時正用作隔離檢疫用途，另外亦有約十間被編配予外勞留宿。因此部分度假村可能不會接受新預訂，預訂前需要多加留意。
根據馬爾代夫衞生部資料，截至5月30日為止，馬爾代夫共有 1,591 宗確診病例，當中 197 宗已經痊癒出院。
更多關於疫情下更改或取消機票及酒店嘅資料，可以睇睇我哋整合嘅內容。
封面圖片：Shifaaz Shamoon – Unsplash
0 個留言於 “馬爾代夫計劃由7月起恢復旅遊活動”