話咁快又一年，嚟到2020年，喺我寫 Blog 介紹酒店、美食、景點之前，今個星期先同大家約略咁回顧一下2019年～
2019年一共發表咗二十八篇遊記，日本佔咗十八篇，而泰國就佔咗十篇。最受歡迎嘅文章繼續係飲食類，見大家都好鐘意睇各地嘅美食，無論係曼谷嘅，首爾嘅，定係福岡嘅都榜上有名～今後我都會繼續同大家分享多啲各國美食！
上半年就先後飛過東京、曼谷、福岡同名古屋。印象最深刻嘅必定係名古屋，因為係第一次喺日本登山！舊年都同大家分享過我嘅立山行程～如果大家未睇嘅話，就快啲去睇睇遊記啦！
下半年大部分時間駐新加坡，所以大家會見到往來香港同新加坡嘅線特別粗。短短幾個月時間都為我累積咗唔少經歷！所以手上都有唔少景點同美食想同大家分享㗎～
如果你有追開我嘅遊記，或者你會發現我舊年只有上半年有每個星期日連載遊記。自六月開始就斷斷續續，甚至去到後期索性停刊。嚟到新一年，比起每星期甚至係每日受負面情緒困擾，希望大家都能夠健康平安。需要嘅時候，都要俾自己唞一唞。
喺呢度應承大家，無論將來如何，我哋都一定會一齊行落去，一齊為未來而努力。
Flyerlog
二零二零年一月十二日
0 個留言於 “Flyerlog 2019年回顧”