旅遊新聞

日本環球影城超級任天堂世界 2021年2月4日正式開幕

日本環球影城-超級任天堂世界

受肺炎疫情影響而延期開幕嘅日本環球影城新園區-超級任天堂世界(SUPER NINTENDO WORLD™),將會喺2021年2月4號正式開幕!

設於大阪嘅超級任天堂世界有三大遊樂設施,主打嘅有 Mario Kart: Koopa’s Challenge(瑪利奧賽車:庫巴的挑戰),將 Mario Kart 帶到嚟現實世界!賽車融入 AR 擴增實境技術,令到大家盡情投入,一邊掟道具,一邊跟 Mario、Luigi 同碧姬公主一齊奔向終點~

日本環球影城-Mario Kart: Koopa's Challenge
日本環球影城-Mario Kart: Koopa’s Challenge(圖片來源:日本環球影城)

另一個遊樂設施-Yoshi’s Adventure (耀西大冒險)就更適合小朋友一齊玩~由人見人愛嘅奇諾比奧隊長帶領下,展開尋寶旅途。仲有利用互動式通關手環參加嘅 Power-Up Band Key Challenge 等緊大家參加~

喺開幕初期,超級任天堂世界將會設有入場限制,入場人士需要預先獲得確認券或者整理券先能夠進入新園區。園方會視乎情況容許未獲入場券嘅遊客入場,不過為穩陣起見,大家最好先進行預約~

今次新園區開幕將會為明年大阪環球影城開幕二十週年嘅慶祝活動打響頭炮,至於嚟緊仲有咩慶祝活動就要等之後園方嘅公佈!希望大家快啲有機會去玩啦~

資料及圖片來源:日本環球影城

相關文章:[日本大阪] 2020年精選新酒店巡禮-難波 本町 心齋橋 大阪各區

0 個留言於 “日本環球影城超級任天堂世界 2021年2月4日正式開幕

發佈留言

發佈留言必須填寫的電子郵件地址不會公開。 必填欄位標示為 *