旅遊新聞

亞洲首座-東京哈利波特影城預定2023年開業

東京哈利波特影城

日本西武鐵道日前公佈,已經同華納兄弟達成協議,以東京豐島園原址嘅其中一部分興建全新嘅哈利波特影城!影城將會成為全球第二個哈利波特主題影城,亦係亞洲區內嘅第一個!

東京哈利波特影城(圖片來源:西武控股)
東京哈利波特影城(圖片來源:西武控股

豐島園於1926年開業,係東京都內嘅主題樂園之一。樂園由今年年初起分階段關閉,最後一期預計會於本月底關閉。關閉後,一部份用地將會轉售予東京都政府作避難公園用途,至於餘下用地就用於今次哈利波特影城計劃!

預計2023年上半年開幕嘅東京哈利波特影城,將會有三萬平方米大~影城同現時大阪環球影城以及奧蘭多環球影城內嘅「哈利波特魔法世界」頗為不同,皆因場內不設機動游戲。

東京哈利波特影城相信會同倫敦嘅影城較為相似,以電影場景為賣點,隨時將 9 3/4 月台及霍格華茲特快列車等一一呈現係眼前!影城同時設有 Sound Stage 及室外空間,要行半日都應該唔難~

倫敦哈利波特影城(圖片來源:官網)
倫敦哈利波特影城(圖片來源:官網

2023年離開我哋仲有一段時間,希望計劃一齊順利,大家屆時能夠一齊拎住魔杖暢遊哈利波特內嘅場景~

資料來源:西武控股PR TIMES

0 個留言於 “亞洲首座-東京哈利波特影城預定2023年開業

發佈留言

發佈留言必須填寫的電子郵件地址不會公開。 必填欄位標示為 *