Flyerlog 筆記

新欄目登場-Flyerlog 筆記

Flyerlog

早兩日開始一個新欄目,唔知大家有無留意到呢?今日同大家正式介紹返我哋網站嘅新欄目-「Flyerlog 筆記」。

先講有關於現有文章嘅變動~新欄目會涵蓋原先嘅飛行報告系列,以及之前唔屬於任何分類嘅里數文章,以上兩類文章都會合併入新欄目入面~無論大家係想重溫飛行報告,抑或係想了解更多關於里數嘅資訊,都可以喺「Flyerlog 筆記」裡面搵得到。

既然叫得新欄目,亦都當然會有新內容加入!呢個欄目將會同大家解釋各種旅遊小知識㗎,就好似啱啱嗰期咁,就同大家探討咗「直航」同「不停站」航班之間嘅分別~當然仲有好多其他嘢等住同大家分享同研究,記得留意啊!

想認識里數計劃嘅話,新欄目亦都會同大家深入淺出咁去了解~初步構思都係盡量幫大家簡單入門,慢慢一齊學一齊進步~當然好歡迎大家留言交流,話晒起初用 Flyerlog 呢個名,都係希望呢度能夠成為我哋共同嘅遊記、筆記!

如果大家有任何建議或者意見,亦都歡迎你喺下面嘅留言欄寫低,或者EmailFacebook Inbox,甚至係 Instagram Direct 都得!

0 個留言於 “新欄目登場-Flyerlog 筆記

發佈留言

發佈留言必須填寫的電子郵件地址不會公開。 必填欄位標示為 *