日本航空 (JAL) 今個夏天將會推出 100,000 個免費國內線機位迎接訪日遊客～想成為「Win a trip with JAL」活動嘅其中一位得到免費來回機票嘅幸運兒，就記得每晚準時上日航官網申請啦！
今次推廣優惠每日會推出 250 個名額，唔需要抽獎，只要你夠快完成申請表格就可以～就算錯過咗，之後每日都有機會再試過，直至五萬張機票派晒為止！日本時間午夜十二點為之新一日，所以香港時間夜晚十一點就可以申請！
據網民分享，免費機票嘅目的地由南至北都有，幾乎有齊日航由東京、大阪兩地出發嘅日本國內線航點。鹿兒島、札幌、沖繩呢啲有，就連奄美大島都有人話見到啊！所以今次亦係深度遊嘅好機會，探索一啲平日香港無直航去到嘅地方～
登記嘅時候只可以選擇出發地點、日期、時間同人數。目的地係由電腦隨機派發，申請嘅時候只係會顯示四個潛在目的地俾大家睇！每次重新搜尋都會換過四個目的地，不過記得留意每日搜尋次數都有限制，唔可以不停咁刷～
講返日期方面，如果大家對疫情有疑慮，可以考慮揀較後出發嘅日子，例如係九月～想知道點申請就即刻睇睇以下嘅申請流程簡介～
申請流程
- 成為日航飛行儲蓄計劃 (JAL Mileage Bank) 會員 (按此註冊)
- 登入活動網站 (按此)
- 點擊「Apply Now」按鈕
- 閱讀說明後，剔選「I confirm I have read and understood the above」並點擊「Apply」
- 輸入會員編號及密碼登入
- 選擇出發機場、出發和回程的日期及時間段，以及人數
- 確認四個潛在目的地，然後選擇「Travel to one of the places shown above」
- 填寫乘客姓名、護照號碼、有效日期、會員號碼、手提電話號碼及電郵地址
- 確認無誤後遞交申請
優惠限定日航飛行儲蓄計劃 (JAL Mileage Bank) 會員享用，所以未入會的話就記得先申請成為會員，然後先去申請免費機票～
活動注意事項
- 旅遊日期
- 免費國內線機票旅遊期間：2020年7月1日 至 9月30日
- 旅客須於 2020年6月1日 至 10月31日 期間訪問日本
- 申請相關事項
- 每日處理最多250宗申請，額滿即止（名額每日 23:00 HKT／00:00 JST 重設）
- 每宗申請最多四人同行
- 可以指定日期、出發地點及航班時間段
- 出發地點只限由 東京/羽田、大阪/伊丹 或 大阪/關西 三個地點選擇
- 不可指定目的地，但會顯示四個潛在目的地讓乘客考慮是否申請
- 實際目的地將於成功申請後約三天通知乘客
- 成功申請後不得因個人原因而取消登記
- 申請資格
- JMB 會員帳戶登記地為海外
- 旅客需要居於海外（外國護照持有人，或日本護照持有人但持有外國居留權）
0 個留言於 “[免費機票] 日航派發五萬張國內線機票 立即登記免費贏機票”