目的地介紹

[日本東京] 東京站尋味地圖-豚捨

東京站尋味地圖-豚捨

[日本東京] 東京站尋味地圖-前言
[日本東京] 東京站尋味地圖-POINT ET LIGNE
[日本東京] 東京站尋味地圖-Freminar 小岩井農場
[日本東京] 東京站尋味地圖-豚捨
[日本東京] 東京站尋味地圖-金華豚料理 平田牧場 極
[日本東京] 東京站尋味地圖-Sarabeth’s Tokyo
[日本東京] 東京站尋味地圖-牛たんねぎし

連續兩星期介紹過東京站附近嘅西式餐廳之後,今個星期我哋轉一轉口味,改為親親日本菜~喺位於丸之內一則嘅KITTE裡面,有東京唯一一間嘅「豚捨」~想一試伊勢牛嘅美味,就一於嚟呢度食返個抵食又好味嘅午餐啦!

你可能會誤會「豚捨」係一個食豬肉嘅地方,不過細心啲睇嘅話,其實係捨棄豬肉嘅意思!店家係三重縣伊勢牛嘅名店之一,所以自然對牛肉料理充滿信心!佢哋已經有過百年嘅歷史,由明治時代開始已經出產伊勢牛㗎啦~如果大家有去過三重縣玩嘅話,話唔定有聽過伊勢神宮附近出名嘅伊勢牛可樂餅~呢個亦都係豚捨嘅出品嚟㗎,而且喺東京呢間分店都一樣食得到~

東京站尋味地圖-豚捨
東京站尋味地圖-豚捨

午餐嘅價錢豐儉由人,由最平千二円左右,到接近四千円都有~比起晚市動輒七千円嘅價位,午市相對上實惠得多!今次兩個人分別叫咗御膳以及牛鍋各一~御膳分為六格,當中就有佢哋嘅名物可樂餅,仲有燒牛肉同牛肉飯等等,可以一次過試多幾款~可樂餅作為佢哋嘅招牌,絕對係當之無愧,事關佢係熱辣辣出爐,仲真係色香味俱全㗎!御膳亦都包咗麵豉湯、餐茶同甜品~至於牛鍋,材料非常豐富,牛肉亦都好嫩!唔單止具備質素,亦都有一定份量,食飽無難度!驟眼睇當地人大多選擇食御膳,而遊客普遍都係食壽喜燒,不過呢啲都係個人喜好嚟㗎啫~

東京站尋味地圖-豚捨 牛鍋
東京站尋味地圖-豚捨 牛鍋

豚捨唔單止有預備英文餐牌,亦都有外國人侍應提供服務,所以溝通上絕對無問題~唔想舟車勞頓去到三重試一試伊勢牛嘅話,嚟呢度相信都係一個唔錯嘅選擇嚟!試過佢哋嘅午餐之後,我覺得雖然佢哋晚市嘅價位偏高,不過下次都可以考慮嚟呢度食晚飯,夜晚都嘆下出色嘅伊勢牛肉~

大家如果你有任何關於旅遊嘅問題,歡迎您留言或者Inbox問㗎,我會盡力為您解疑難~傾偈交流下心得亦都可以~

豚捨官網 (日文)www.butasute.co.jp

營業時間:
午市時段:11:00 至 15:30 (截單時間:15:00)
晚市時段:17:00 至 23:00 (截單時間:22:00)
備注:週日及公眾假期的晚市打烊時間及截單時間分別提早1小時

地址:東京都千代田区丸の内2-7-2 KITTE 5F
交通:由JR 東京站丸之內南口步行約1分鐘即達。

0 個留言於 “[日本東京] 東京站尋味地圖-豚捨

發佈留言

發佈留言必須填寫的電子郵件地址不會公開。 必填欄位標示為 *