Flyerlog 的一個願景

歡迎大家嚟到Flyerlog!

Flyerlog 顧名思義係我呢位旅人嘅遊記，記錄低我去過嘅地方，遇過嘅人同事。希望透過我嘅紀錄能夠為大家帶嚟旅遊嘅靈感，亦都可以透過我嘅資料去準備你哋下一個嘅行程！

係云云嘅單字裡面，我之所以會揀Log，而唔揀Diary, Journal等等嘅字，係因為諧音「樂」。我深信每一個旅途都充滿喜樂。雖然每個人會因為唔同嘅原因而感到快樂，可能係靚靚嘅景色，可能係好食嘅一餐，可能係異鄉嘅人情，但係始終離唔開快樂，所以去旅行絕對稱得上係一件「樂」事。我會盡量介紹不同嘅地方，不同嘅風格，迎合大家不同嘅喜好，希望大家會鍾意！

得到旅遊靈感後要付諸實行嘅時候，往往係最麻煩。個個都去旅行，唔通個個都想plan去旅行咩？呢個時候，Flyerlog同樣係你嘅好幫手！每日為你網羅各類型機票、酒店及景點優惠，唔駛左撲右撲，一次過搞掂！無論平遊豪遊，呢度一樣為你服務㗎，有問題？Facebook inbox我哋又得，傳統啲email亦得，得咗。

我無霧裡看花嘅八大願景，只有玲瓏小巧嘅一個願景。希望有朝一日，Flyerlog 唔單單係我嘅遊記，而係你同我，屬於大家嘅遊記。我哋大部分人出門旅遊嘅第一站都係機場，所以呢度嘅第一張相亦都由香港機場開始。Enjoy!